August 21st, 2010 by Shrikant Tiwari
WHEN A STRANGER CALLS
21.AUG`2010
Mere Rishte Mein Ek Shaadi Yahin Ke Ek School Teacher Ki Beti Se Hone Wali Hai. Hum-ne Filmon Mein Dekha Hai, Novels Mein Padha Hai, Logon Se Suna Hai Ki Kuchh Irshyalu, Asamajik Tatwa Ke Log Kisi Ki Khushi Bardasht Nahi Kar Sakte, Iss-Liye Achanak Gumnaam Phone Kar Ke Nuksan Paunchane Ki Koshish Karte Hain. Jis Din Chheka (engagement) Tha Usi Din Mere Mobile Par Phone Kar Ke Kisi Ne Apne Aap Ko Hamara “SHUBHCHINTAK” Batate Hue Ladki Ke Bare Mein Kahne Laga Ki “Shadi Pakki Kane Se Phle Ladki Ke Bare Mein Hum Puri Janch-Padtaal Kar Len!” Hame Bhadka Kar Shadi Todne Ki Koshish Ki. Lag-Bhag Din Bhar Uss Mr. Shubhchintak Ka Phone Mere Mobile Par Aata Raha. Meri Patni Ke Lal-karne Par Usne Kaha Ki Woh “Shadi Ke Baad Hum-Se Milega” Abhi Samne Nahin Aayega! Phir Bhi Hamne Uski Baaton Ko Ansuni Kar Ke Chheka Ki Sari Rashme Shri Ram-Mandir Mein Puri Ki. Ishwar Ka Dhnyavad. Kitne Khush Thhe Sabhi! Aur Woh Bachchi! <[DULHAN]> Wow! Wow! Wow! …Maine Khud Apni Peetth Thapthapai…Waah! Bhanje! Tu Toh Apni Naukri Ke Karan Apni Hi “Mangni”/Chheka Mein Shamil Nahin Ho Saka! Par Uske Mata-Pita {Mere Didi-Jijaji}, Bhaia-Bhabhi {Mera Bada Bhanja Aur Uski Patni} Toh Thhe Hi. Photo Shoot Hua. Aur Maine Jhat Se Photo Aur Anek Tasweeren Chhote Bhanje Ko Mail Kai Di.
Uss Gumnaam Caller Ka Phone Jis No. Se Aata Tha Woh Call-Back Karne Par Pata Chala Ki Local Bazaar Area Ke Coin Box Ka Tha. Coin Box Ka Malik, Jahir Hai, Caller Ko Nahi Pahchanta Tha, Aur Uss Call Ki Use Yaad Bhi Nahin Thi. Hamne Bhi Jyada Sar-Khapai Na Kar Ke Baat Bhulne Ki Koshish Ki. Uss Gumnaam Caller Ko Humlog Mr. Shubhchintak Kahne Lage. Usne Teen Alag-Alag Numbers Se Call Kiya Tha, Woh Teeno Nos Hum-Ne Save Kar Liya. Lekin Phir Baat Aur Mahol Samanya Hota Laga. Uska Call Nahin Aaya.
Sambandhon Mein Badhti Pragadhta Ke Liye Paawan Saawan Maas Mein Bhagwan Shiv Ke Darshan Kane Hum Sa-Parivaar ‘Khakhparta’ Mandir Gaye. Wahan Mandir, Jo Ki Ek Chhoti Pahadi Hi Hai, Mandir Parisar Mein BIRNNI [BHID/TATAYAA/wasp] Ke Khatte Ke Khatte Thhe Jaise Aur Dharm-sthalon Pe Bandar Hua Karte Hain. Woh Kisi Ko Kaat Nahin Rahe Thhe Sirf Prasaad Par Udte Mandrate Fir Rahe The. Phir Bhi Unhone Meri Patni, Meri Dayi Di, Aur Master Saheb Ki Beti {DULHAN} Ko Apne Danko Se Thoda Pareshaan Jaroor Kiya. Ladki Ki Maa Aur Chhoti Bahan Bhi Hamare Saath Darshan, Pooja Ke Liye Gayi Thi. Bada Hi Manoram Sthan Hai Khakhparta-Dhaam. Ishwar Krupa Se Bhagwan Shiv Ki Pooja Hum-Sab Ne Khoob Achhe Tarike Aur Maoyog Se Ki Aur Prasannta Purwak Apne-Apne Ghar Laut Aaye.
Thik Ek Maheene Baad__Aaz Subah…!…Office Mein Kaam Ke Darmyan Phir Uss Gumnaam Caller Ka Phone Aa Gaya! Uss Apratyashit Vyawadhan Se Main Thodi Der Ke Liye Vichalit Hua. Usi No. Par Call Back Karne Par Jabab Mila Ki Woh No. 25KM Dur Ki Basti KUDU Ke Bihari Dhaaba Ke Bagal Ke Ek Kirane Ki Dukaan Ke Coin Box Se Kisi 30-35Yrs. Ke Kisi Aadmi-Ya-Ladke Ne Kiya Tha. Iss Samachaar Ko Sun Kar Master Sahab Turant Mere Paas Mere Ghar Aa Gaye. Unki Patni ne Bhi Meri Patni Se Baaten Ki. Hum-ne Unhe Puri Tarah Se Ashwast Kiya Aur Santwana Di. Master Sahab Ki Beti Ki Shaadi Mere hi Bhanje Se Maine Hi Taya Karwaya Hai. Mere Liye Yah Jan Lena Jaroori Tha Ki Yah “Mr. Shubhchintak” Aakhir Hai Kaun? Yakinan Master Saheb Ka Bura Chane Wala! Uss Aadmi Ke Bolne Ka Lahza Local ‘Accent’ Mein Tha. Iss-Liye Woh Mere Bhanje/ Didi-Jijaji Ke Taraf Ka Nahin Ho Sakta. Didi-Jijaji Sabhi Apne Ghar Yahan Se 900KM Door Hain. Maine Abhi Unhe Kuchh Nahi Batya Hai. Kya Fayda! Shadi Hogi Aur Jaroor Hogi. Uss Bachchi Ko Sare Samaj Ne Aur Khud Uski Apni Kismat Ne Use Ishwar Ke Darbaar Mein Aashiwaad Diya Hai. Agar Ant Mein Jeet Achchhai Ki Hi Hoti Hai Toh Iss Tata-Kathit Mr. Shubhchintak Ka Kaala Munh Jaroor Numayan Hoga Aur Woh Sharminda Ho Na Ho Uske Janamdata Jaroor Sharminda Honge.
Lekin……….Aabb! Kya?
intezaar…
